【🦞M&S龍蝦湯 x 扭扭意粉】 ⚡️兩大人氣食材邂逅相遇⚡️ 90秒即學識點樣煮
今期流行嘅M&S樽裝龍蝦湯，簡直一湯難求！好彩都俾我買到兩樽返嚟試吓！見好多朋友話用佢煮pasta非常唔錯，咁不如將佢夾埋人氣扭扭意粉Fusilli Lunghi Bucati一齊煮啦！由於龍蝦湯已是製成品，懶嘅話真係撈埋就係，不過昨天星期日，趁有少少時間，就加多少少料，等佢豐富啲咁啦！
影片示範
以下為所需食材，在文章底部會有詳細食譜。
先煮扭扭粉約8分鐘 ，比包裝建議減3分鐘。
💡 因扭扭粉之後會加入醬汁再煮，因此需要減扭扭粉煮的時間
💡 扭扭粉煮太熟會很易斷，煮太生又會好硬，要非常小心控制熟度
趁煮意粉的時間，虎蝦撒鹽，用橄欖油先煎熟備用。
💡 記得印乾蝦的水份，才能夠煎得好吃
扭扭粉煮到這個程度就差不多了，它還會有一點硬，是正常的。
如果不是即刻跟醬汁煮，記得先瀝乾水哦。
💡 如果浸在水中，扭扭粉就會繼續浸煮，很易過熟。
在原鍋加點橄欖油，爆香乾蔥及蒜片，再下車厘茄炒香。如果有白蘭地或白酒的話，可以加入少許並刮焦。
加入半樽龍蝦湯，並且加入兩湯殼的意粉水，加入百里香的葉（除莖），加熱煮至剛剛滾起後，拌入扭扭意粉。
記得加入兩湯殼的意粉水，不然醬汁會太稠杰，也會較鹹。
輕輕將意粉跟醬汁混合，直到意粉剛剛漲起，並且湯汁開始稠杰，就可以跟虎蝦上碟，有百里香的話可作裝飾。
配個沙律及Camembert Cheese，又是一頓美味的晚餐了~
份量
2人
材料
樽裝龍蝦湯 - 約半樽 300ml
扭扭意粉 （或其他pasta) - 160g *
急凍大虎蝦 - 6隻
乾蔥 - 1-2粒
蒜頭 - 2-3粒
車厘茄 - 5粒
百里香 - 適量 （可省略)
白蘭地 / 白酒 - 少許 （可省略）
*Pasta 預每人80-100g 就可
烹調步驟
大虎蝦解凍，去頭、去殼、去腸，印乾水份，備用。（由於用龍蝦湯，蝦頭蝦殼留低下次熬湯用吧）
乾蔥切碎，蒜頭切片，車厘茄切半備用。
用約1.5L水煮意粉約8分鐘 （比包裝建議減3分鐘），水中加1茶匙的鹽。8分鐘後，撈起隔篩備用。
煮意粉的時間，虎蝦撒鹽，用橄欖油先煎熟備用。
在原鍋加點橄欖油，爆香乾蔥及蒜片，再下車厘茄炒香。如果有白蘭地或白酒的話，可以加入少許並刮焦。
加入龍蝦湯，並且加入兩湯殼的意粉水，加入百里香的葉（除莖），加熱煮至剛剛滾起後，拌入扭扭意粉。
輕輕將意粉跟醬汁混合，直到意粉剛剛漲起，並且湯汁開始稠杰，就可以跟虎蝦上碟，有百里香的話可作裝飾。
貼士
這一款扭扭意粉煮的時間要好好控制，煮太耐會很易斷，也少了Al Dente煙靭的口感。煮水的時間不要太久，留空間讓它吸收更多湯汁
爆香蒜及乾蔥時，可把平底鍋斜斜升起，讓油浸到乾蔥及蒜就不會容易燶掉，也讓橄欖油增添風味
龍蝦湯要加入意粉水，以免濃縮後過鹹
想準確預算Pasta的份量，每人80至100g就差不多了
廚具推介
本食譜使用了以下廚具，歡迎前往我們的網店 Afterwork Grocery 參觀選購！
