蒜香甘藍貝殼粉配合桃、松子仁
羽衣甘藍貴為superfoods之一，是健康飲食嘅首選食材，見到我們的Logo有片甘藍葉就知它有多重要！很多時候，羽衣甘藍都是會來做沙律入饌，但其煮過了的甘藍味道更香更濃。今次我用咗 @susteniragriculture 嘅卷葉羽衣甘藍整咗呢道「蒜香甘藍貝殼粉」，雖然這是一道素菜，但配料上用了松子仁、合桃，跟甘藍的甘甜的味道互相輝影，車厘茄除了顏色靚，它的酸度也平衡了整道菜色，令人更加開胃。
順帶一提，Sustenir嘅蔬菜全部都係來自屯門室內智能垂直農場，比一般羽衣甘藍更加爽脆清甜！由4月30日開始至5月2日，Sustenir會派出流動車出現喺香港鬧市免費派發Sustenir 超級食物禮品包同食譜卡！想試吓superfoods嘅話就記得mark實日子，密切留意佢哋嘅出沒地點喇！詳情請看本文未段。
材料
貝殼粉 - 1碗
Sustenir卷葉甘藍 - 6片
車厘茄 - 10粒
巴馬臣芝士碎 - 適量
蒜頭 - 2粒
松子仁 - 約10g
合桃 - 約4-5粒
青檸 - 半個（可省略）
調味
鹽 - 少許
黑胡椒碎 - 少許
材料準備
1. 先將甘藍洗淨並印乾水份，除去莖部，將葉切碎。
2. 蒜頭去皮，切成蒜片。
3. 車厘茄去椗洗淨。
烹調步聚
1. 先將松子仁及合桃用中火烘烤5分鐘至表面金黃，中間可以落一些鹽及糖吊味。
2. 將貝殼粉加到滾水內，加點橄欖油及鹽，按包裝指示的時間減1分鐘烹煮。例如我的貝殼粉包裝建議煮10分鐘，就煮9分鐘，撈起後加點橄欖油拌均備用。
3. 用中火燒熱前pan，加橄欖油，將蒜片爆香，落甘藍炒約3分鐘左右，再落車厘茄炒香。當車厘茄的表皮開始裂開，就可以下貝殼粉拌炒2分鐘，加鹽及黑胡椒碎調味，就可以準備上碟。
擺盤
- 準備一隻深碟子，先放貝殼粉，然後是菜葉及車厘茄。趁貝殼粉還熱，撒上巴馬臣芝士碎，再平均撒上松子仁及合桃碎就完成了。享用前可以加入青檸汁才吃，會更加開胃！
貼士
- 去除了甘藍的莖主要是為了較好的賣相，因為烹煮過的甘藍葉會縮，最後只會見到莖，如果在家自己吃的話，可以不用浪廢莖子的。
- 甘藍也不用炒太久，可以保持它青翠的綠色，炒太久的話就會較黑較深色了。
