上一個食譜介紹了自家製番茄醬，今次就教大家用呢個番茄醬做一個健康又好味嘅闊條麵！秉承自家製的精神，所以今次的闊條麵也是自己親手搓製的！今次我會教大家點樣煎到又香又嫩嘅雞胸，keep fit減肥成日食雞胸嘅朋友唔好錯過呀！睇下今次的製成品，係咪睇到都流晒口水呢～

番茄酸酸甜甜，令人非常開胃。今次我想介紹大家試試做番茄醬，既健康又簡單。做好了的番茄醬，可以做意粉醬、Pizza、多士等等，唔知你又會點用呢個番茄醬呢？

油封車厘茄 Tomato Confit 是我一直很想做的菜，通常在網絡上找到的「油封車厘茄」，其實比較適合說是Roasted Tomato，做法是將留茄切半，淋上橄欖油，跟香草、蒜、鹽等慢慢烤乾，然後再用橄欖油浸著保存，由於過程中水份減少，番茄味道更濃郁。

Caprese是意大利餐廳經典的前菜，經典之處在於它的主要材料包含了意大利國旗的三種顏色 - 綠、白、紅 🇮🇹。傳統嘅Caprese會用到切片嘅Mozzarella水牛芝士及番茄，一片疊一片的交疊在碟上，然後放上羅勒、橄欖油、黑醋、鹽及黑胡椒碎。不過咁啱我買唔到傳統嘅Mozzarella芝士，反而買到有餡嘅Burrata芝士，而番茄就得前日整嘅油封車厘茄，所以今次呢個Caprese算係一個少少創新嘅版本😊