小時候很喜歡吃媽媽煮的肉醬意粉，長大了還是很喜歡吃。最近嘗試在家做意式番茄肉醬，試了好幾次，這個做法都滿意🙂 想肉醬好吃，要給點耐性先將所有食材炒得乾身，才可將味道濃縮。番茄也用罐頭番茄，混合Passata茄蓉，比只用本地新鮮番茄更濃郁，歡迎大家試試哦！

昨晚在Instagram分享了當年布吉旅行時吃過的清蒸龍蝦，很多朋友都在問如何做～ 其實真的很簡單，只是我們平時多數會開邊蒸，而這個則是以半開邊的方法呈現已而。當然，那個很邪惡的牛油蒜蓉醬是焦點所在吧，不怕肥可以試一試佢～

早前介紹過的紅酒燉牛面頰，大家都喜歡到不得了。其實以同一方法，燉牛尾都一樣咁好味！牛尾相對平一點，也更容易購買，只要燉的時間足夠，是可以做到又腍又滑又離骨的牛尾啊～

今次介紹的無水野菜鍋，不是甚麼高難度、貴食材的菜色，但是經過鑄鐵鍋無水焗煮，野蔬的養份凝縮，比平時吃的蔬菜更加鮮甜美味！焗煮過的洋蔥變成焦啡色，甜味完全釋放；蓮藕仍然保持爽脆，甘筍吸收了所有精華，甜得有點誇張！

手撕雞一直都是我的最愛，在街上看到都常常買回家吃。可是，外面的手撕雞店多數只有一種味，就是鹹！有時姐姐還會非常重手，搞到非常之鹹！如果我開手撕雞店的話，一定會多很多醬汁俾大家揀！今次介紹大家試試用檸檬做醬汁，材料一點也不複雜，酸酸甜甜非常開胃的哦！

鰻魚炒飯是一道非常方便的家常菜，只要有點冷飯，買條鰻魚，再隨意在雪櫃中找點配菜，就可以輕鬆完成，大家快來試試看吧！

最近大家都要留家抗疫，一定多了在家煮飯，所以都想介紹多些家常菜俾大家。蒸水蛋相信很多朋友都有做過，但如果在蛋中加入花甲的話，大家又試過未？今個食譜教會介紹蒸滑蛋的方法，就算沒有花甲，也可以用其他材料取代呀！

冬天常常都想吃點暖笠笠的食譜，日式的炊飯就是很好的選擇了。炊飯做法很簡單，只需要將所需材料加入鑄鐵鍋中，就可以一鍋到底輕鬆完成！今次我選用了近期當造的栗子，再配以各式各樣的日本野菌，製作了這個【栗子野菌炊飯】，希望大家會喜歡啦！

最近工作比較忙，少了點時間煮飯，所以就做一點快吃到的菜式，而咖喱就是很好的選擇。今次我做的是無水咖喱鍋，用的都是來自日本的蔬菜，以鑄鐵鍋無水烹煮後，蔬菜的水份完全濃縮起來，鮮味無比！再配上日式咖喱，由頭到尾一鍋過，簡簡單單就完成了一道美味的菜式啦！

這個食譜有點像我之前介紹的法式田園焗雞，不過今次這個食譜更簡單，所需的時間也更少！如果你家中有個小小的鑄鐵鍋，但又不夠放一隻全雞，就可以試試做呢個菜啦！而這個菜的精髓其實就是無水鍋，水份全都是由食材本身流出來，除了雞肉及蔬菜焗得很腍外，鍋中的湯汁又可以送飯，真係超級好食的！

花雕醉鮑魚是每次過時過節都會做的菜式，簡單又得體，次次屋企人食都食到舔舔脷，如果送俾親朋戚友就更加開心啦！而同一個方法，還可以用來浸蝦、花螺、鴨舌等等，一定平過出面買多多聲呀！

炆牛腩是我最喜歡的菜式，一次過炆好一大煲，可以吃上兩、三餐，又是放工快食好選擇。而且炆煮其實是最簡單的烹調方法，就算是中式還是西式，基本上也離不開幾個工序：將肉類汆水、煎香肉類、下湯汁、炆煮同收汁。而濃縮了的湯汁，送飯送麵送Pasta都是一流，希望大家會喜歡這個柱侯蘿蔔炆牛腩吧！

細細個常常係某元老級日本超級市場的food court叫照燒雞扒飯食，當時都只係$20幾蚊左右，好味到令人念念不忘～ 今次我就嘗試做返細個時食嘅風味，特別用上日本珍珠米及日本雞扒做這個菜，出來的效果很好，而且非常易整，放工返屋企煮20分鐘就可以食得了。

自從買咗個細size鑄鐵鍋，我家中的電飯煲已經放埋一面了。其實煮白飯真係唔需要嘥錢特登買個電飯煲的，買個靚靚嘅鑄鐵鍋，除咗可以煮到靚飯，仲可以煮餸，當然最緊要係靚啦～ 等我又分享下平時我點樣用鑄鐵鍋煮白飯先！

上一個食譜介紹了自家製番茄醬，今次就教大家用呢個番茄醬做一個健康又好味嘅闊條麵！秉承自家製的精神，所以今次的闊條麵也是自己親手搓製的！今次我會教大家點樣煎到又香又嫩嘅雞胸，keep fit減肥成日食雞胸嘅朋友唔好錯過呀！睇下今次的製成品，係咪睇到都流晒口水呢～

番茄酸酸甜甜，令人非常開胃。今次我想介紹大家試試做番茄醬，既健康又簡單。做好了的番茄醬，可以做意粉醬、Pizza、多士等等，唔知你又會點用呢個番茄醬呢？

天氣熱辣辣，食個冷麵爽歪歪😌 不過今日唔係講個冷麵，而係講後面碟日式煮大根！日本大根味道特別清甜又冇渣，跟牛肋條一起炆煮，味道層次更加豐富，雪凍嚟食直頭非常消暑，快啲買條大根煮吓啦～

放工有時唔想煮，整個快嘅火鍋都係一個好選擇。兩隻雞髀、一包豆乳、一包雞湯，再加D菇菇菜菜豆腐就搞掂啦。

早前介紹了簡單版嘅法式白酒燉雞，非常之受大家歡迎。今次就教大家用番茄整返一個紅色嘅版本，同時為咗令小朋友都啱食，我也減去了使用白酒或紅酒，那家長們就可以更放心啦！值得留意係呢個汁都好好味，配飯、配Pasta、點麵包都一樣掂呀！

清酒煮蜆是非常簡單的菜色，只要清酒、蜆、蒜、乾蔥及牛油就已經非常好味。我常常堅持吃食物本身的味道，因此不建議加雞湯、醬油、甚至是鹽，因為蜆本身已有足夠的鮮味了。