最近大家都要留家抗疫，一定多了在家煮飯，所以都想介紹多些家常菜俾大家。蒸水蛋相信很多朋友都有做過，但如果在蛋中加入花甲的話，大家又試過未？今個食譜教會介紹蒸滑蛋的方法，就算沒有花甲，也可以用其他材料取代呀！

多年前曾經到日本旅行玩Glamping，營中參加了煙燻體驗，才知道原來日本人玩煙燻都可以玩得那樣高級！返香港後，即刻買返個同款嘅煙燻箱，仲有很多不同風味的木屑，比BBQ以外再多一個好玩選擇。最近天氣很好，很適合露營，大家會否心動都想一試呢 😊

一直都很想在家做一次天婦羅，今次真的認真起來學習一下。幸好找到了【MASAの料理ABC】的詳盡教學，一步一步跟著來做也不算很難，以第一次來說感覺都不錯哦！當然日本天婦羅是非常博大精深的學問，在麵糊製作、油溫控制、以及油的選用等等都大有竅門，希望有空會再可以慢慢深究下去！

早前在賣外國蔬菜的小店看到了這個皺葉椰菜，即刻買咗一個回家。皺葉椰菜英文為 Savoy Cabbage，又或者叫野甘藍、皺葉甘藍。皺葉椰菜的葉片佈滿皺紋，很容易分辨，它的質地較硬、味甘苦，水分較少因此不適宜生吃。甘藍這類蔬菜通常烤焗過後都比較可口，所以今次我就用它來做一個烤焗的版本，希望大家會喜歡！

明太子是醃製過的鱈魚子，它香醇的鹹香，跟很多食物都非常相襯，好似明太子蛋卷、明太子法包、明太子釀雞翼等等。今次就讓我來用明太子做一個忌廉意粉，配以日本的白洋蔥及椎茸，味道非常特別，而且做法簡單，15分鐘包可完成！不如今晚就即刻整啦！

秋風起，係時候要食下D養顏嘅補品啦。 其實家有一個鑄鐵鍋，都可以拎嚟燉嘢㗎！今次示範的是Vermicular鑄鐵鍋 26cm - 自然米黃 NATURAL BEIGE。由於26cm 空間非常足夠，可以將整個玻璃樽放入。而Vermicular鑄鐵鍋鎖力很強，燉上幾小時也不怕不夠水啊！無論要燉湯、燉甜品、燉燕窩都一樣ok！

下星期就係中秋節啦，除咗食月餅，不如試吓整返個滋潤嘅甜品俾屋企人食呀？今次我想介紹嘅係椰皇鮮奶燉蛋白，仲特別加埋份外滋補嘅桃膠。椰皇個殼其實都幾似月球表面，加埋湯圓係面，團團圓圓就更加應節啦～

Dutch Baby「荷蘭寶貝」，名字聽起來很可愛，但究竟它跟荷蘭有關係的嗎？相傳Dutch Baby其實是德國的班戟演變而來，材料主要是蛋、麵粉、牛奶、糖，偶爾也會加入肉桂、雲尼拿籽等香料增添風味。麵糊在熱騰騰的鑄鐵鍋上烤焗，單靠熱力自然膨脹隆起，形成不規則的形狀。當冷卻後，中央位置又會凹陷下去。它的吃法非常多變，可以隨意加入蜜糖、水果、雪糕等配料都不錯。

日式免治雞肉軟骨串是我到居酒屋一定會叫的菜色。出色的居酒屋做的雞軟骨串，能吃得出雞肉及雞軟骨的比例恰到好處，再加上美味的月見汁，焦脆的雞軟骨串混合金黃色的蛋黃，一口咬下去，雞軟骨不會太硬，一邊吃一邊卜卜作響，非常過癮！今次讓我介紹如何做到這個令人垂涎欲滴的雞軟骨串吧！

最近又開始埋頭製作酸種麵包，有好的麵包，也要好的吃法。果醬雖然好吃，但始終含有糖份，不能天天吃。若果配以鹹的吃法，加點餡料，再蓋上芝士碎，其實已經好好吃了。今次介紹的吐司非常容易做，只要炒炒蘑菇，加點芝士，再焗數分就完成。

說到法國美食，當然不能不提可麗餅了。在香港吃個可麗餅，閒閒哋都要百多元才行，但其實自己在家做一點也不困難的。只要簡單的材料，少少功夫，大家都可以做到。再配以個人喜好，加入不同的餡料，配搭千變萬化，鹹甜佳宜！

早前到餐廳吃飯，其中一道菜就是用西芹做汁配魚肉吃，味道非常清新。其實西芹除了可以炒之外，也可以用來打西湯用。今次我特別以西芹為主角，做一個清新特別的濃湯。做出來的湯，除了有淡淡西芹的香氣，亦非常健康。

Caprese是意大利餐廳經典的前菜，經典之處在於它的主要材料包含了意大利國旗的三種顏色 - 綠、白、紅 🇮🇹。傳統嘅Caprese會用到切片嘅Mozzarella水牛芝士及番茄，一片疊一片的交疊在碟上，然後放上羅勒、橄欖油、黑醋、鹽及黑胡椒碎。不過咁啱我買唔到傳統嘅Mozzarella芝士，反而買到有餡嘅Burrata芝士，而番茄就得前日整嘅油封車厘茄，所以今次呢個Caprese算係一個少少創新嘅版本😊

簡單快捷又健康的早餐，享受濃縮鮮橙的風味

這是我親手種的蕃茄，要吃原味道的話，用來做沙律就最好不過了。今次配埋Burrata芝士一齊食，它外層是軟軟的Mozzarella，入面是流心的忌廉及芝士，奶味香濃，再配以黑醋沙律油，是一個非常醒胃的前菜。

平時到餐廳吃植物肉，多數是用它來做素漢堡扒或素肉丸，食法較為西式。今次我嘗試創新一下，以香港地道的方法，炮製了這個窩蛋未來牛肉煲仔飯。由於未來牛肉本身已有調味，因此我只加入馬蹄碎及蔥花做成素牛肉餅，同時也放了含有豐富營養價值的杞子，來增添甜味及顏色，效果出奇地好！所以肯花點心思的話，食素都可以享用暖笠笠嘅煲仔飯☺️

蘭王蛋是可以安心生吃的雞蛋，今次就用來配炒雜菇，只要簡單炒香蘑菇，加入蘭王生雞蛋可以了。愈是簡單的煮法，就愈能夠吃到食材本身的鮮味呢！

最近生酮飲食法非常流行，用椰菜花取代米飯是其中一個常用的方法。這個食譜跟西班牙燉飯有點相似，不過它不需使用雞湯，煮的時間也更少，今晚不如試吓煮吧！

終於又等到weekend啦～ 整咗咁大個sourdough真係幾日都食唔晒，今日就用佢嚟整返個老外早餐～ 基本上就冇咩難度，反而整水波蛋還是要點技巧，要慢慢再次練習多幾次才行。

前日在街市買餸，見到有黃色的椰菜花賣，立即想試吓黃色嘅椰菜花煲出嚟嘅湯會唔會好似南瓜湯咁黃。實驗嘅給果係...好淺嘅黃色😄 不果如果用紫色嘅話，又會係咩色？下次試下先