【黑椒薯仔牛柳粒】大排檔必點菜式在家做
要說大排檔必點的菜色，黑椒薯仔牛柳粒絕對走唔甩！以香脆薯仔與嫩滑牛柳粒為主，配搭濃郁黑椒蜜汁，諗起都流口水～ 不過因為有牛肉的關係，出街食價錢都不便宜。如果想在家做到呢個菜式，其實都好簡單～
影片示範
薯仔去皮切粒，浸水10-15分鐘除去澱粉，瀝乾水後，用半煎炸的方法煎香每邊，備用。記得要好俾心機煎哦～
💡 如果用非易潔鍋，薯仔先浸水有幫防止沾鍋
將醃好的牛柳粒表面煎至焦香，不用熟透，備用。
爆香乾蔥、蒜粒及紅黃椒。
薯仔及牛柳粒回鑊翻炒。
黑椒汁料混合好，倒入並炒至收汁。
最後收火並加入蜜糖，完成！
💡 蜜糖加熱會變酸，因此最好轉細火，甚至收火後才加入。
材料
牛柳粒 - 約300g
薯仔 - 1-2個，視乎大小
紅椒 - 1個
黃椒 - 1個
乾蔥 - 1粒
蒜 - 2-3粒
蜜糖 - 適量
牛肉醃料
豉油 - 1-2茶匙
糖 - 1茶匙
生粉 - 1茶匙
油 - 少許 (最後加)
黑椒汁料
黑椒碎 - 1茶匙
蠔油 - 1湯匙
豉油 - 1茶匙
老抽 - 1茶匙
水 - 50ml
烹調步驟
先把牛肉水份印乾，醃肉10-15分鐘。
薯仔去皮切粒，浸水10-15分鐘除去澱粉，瀝乾水後，用半煎炸的方法煎香每邊，備用。
煎香牛柳粒表面至焦香，不用熟透，備用。
爆香乾蔥、蒜粒及紅黃椒，加入薯仔、牛柳回鑊翻炒。
黑椒汁料混合好，倒入並炒至收汁，最後收火並加入蜜糖，完成！
貼士
今次我用了封門柳，肉質腍滑。也可以買急凍的骰仔牛柳，不過會比較多筋，又或者買厚牛扒切粒，但價錢會貴
薯仔用一般街市買到的薯仔就可，如果用新薯，口感就比較爽口，不太適合這道菜
黑椒碎要用即磨的才香
薯仔先浸走澱粉，用非易潔鍋煎會冇咁容易黐底。
薯仔煎香至金黃需時不少，大概也要15分鐘，煎透後口感會軟綿。
紅黃椒比較甜，炒透一點更甜
蜜糖最後收火才加入，以免熱力令蜜糖變酸
醬汁中也可加點喼汁，會較似外面吃到帶酸味的黑椒汁
廚具推介
本食譜使用了以下廚具，歡迎前往我們的網店 Afterwork Grocery 參觀選購！
