慢煮的好處非常多，除了可以保持肉質嫩滑，也可令肉受熱平均，不會外面熟，入面生，有些營養也因低溫烹調而得已保存。同時間，慢煮也可以一次過煮多些的份量，真空了的食材又可保存更久，正在減肥keep fit的朋友不妨一試！

法式白酒燉雞 Fricassée de Poulet（英文Chicken Fricassee）是一個非常傳統的法式家常晚餐，做法也非常簡單，做好了的雞肉非常嫩滑，醬汁有奶油香濃的味道，剛剛又被白酒微微的酸味中和了，就算吃多一點也不覺得肥膩。這道菜也非常百搭，可以配飯、闊條麵、蘸點麵包、還是配薯蓉薯角，都一樣好吃。

雞胸是keep fit的首選食材，其實只要簡單的烹飪技巧，加上健康的配料，平凡的雞胸都可以很不一樣！今次同時試用了日本品牌Vermicular琺瑯鑄鐵平底鍋去煎雞胸，熱力傳遞快，比一般鑄鐵平底鍋更輕，煎出來的雞胸非常皮脆肉嫩，效果非常滿意！

聖誕節過後，通常都會有些剩餘的食材。其實只要好好利用它們，都可以變成美味的一餐。今次我將餘下的雞湯、火雞胸、甘筍、洋蔥、西芹、百里香及月桂葉，做了這個連湯也不用熬製的雞湯。簡簡單單，又係一餐😊 其實除了雞肉，你也可以用羊肉。還記得幾年前到冰島旅行，常常都喝羊肉湯，味道也很不錯的。呀～ 不如搵日介紹吓冰島羊肉湯都好喎！

冬至將到，想煮個好餸俾屋企人食，但係乾鮑咁貴，食唔起又唔識揀，所以唯有食返鮮鮑魚啦。炆嘅話可以選用大隻d嘅南非孔雀鮑魚，肉厚之餘鮑魚味也濃。今天在街市買左6隻鮑魚，約1斤多些，加埋鵝掌同其他材料，大概$300幾蚊可以做到呢個菜啦。用埋刀叉食，即刻高級晒😊

聖誕節就嚟到啦，食聖誕餐又點少得一隻靚雞呢～ 今次介紹呢個焗雞一點也不簡單，事關我特別在雞身內釀入了黑松露炒雜菇。當切開雞身時，黑松露及雜菌的香味撲鼻而來，令不平凡的焗雞再多添一份驚喜😋

這個菜式其實之前已經介紹過，不過兩個人食飯，一隻大雞又飽咗dd😅前排係超級市場見到有急凍法國黄油春雞賣，$60左右。雖然係急凍，但肉質非常嫩滑多汁，用我這個方法煮，簡單又好味，不妨一試！

近排要健身，要多點吸收一下蛋白質，雞胸肉當然是首選的蛋白質來源。煎雞胸其實係幾好味，超市$40有兩件亦都抵食。只係煎件靚雞胸都要成兩個字先搞掂，於是我就開始研究點樣有效率地準備雞胸肉。咁啱上年聖誕買咗部慢煮機，咁不如試吓慢煮啦。煮好咗再入真空袋，應該可以雪成個星期哦。而且今次慢煮都好成功，雞肉嫩滑，拍得住我煎雞胸的效果

話說有次去北海道旅行，係富良野一間民宿食過呢一道菜，材料很簡單只有雞同蔬菜，但係一試就沒齒難忘！雞肉非常嫩滑，蔬菜清甜，最精彩就是煲內的雞精，送飯一流！可是試了好幾次，還是做不到民宿老闆的風味😛 但我仍盡努力分享食譜吧！最後一張相是民宿網站的相片，沒有上火的關係，在家中做不到焦面的效果。

這個食譜最適合減緊肥嘅朋友，如果日日食雞胸食到口淡淡，就要從煮法方面花點心思啦。如果想吸引小朋友吃多點蔬菜，這也是一個非常好的方法哦！