智利擁有長長的海岸線，水產資源非常豐富。早前我收到了智利食品的食材盒，除了有我最喜歡的藍青口及三文魚之外，還有智利出產的 Sauvignon Blanc白酒、Pisco皮斯可酒、牛油果等等！

細細個常常係某元老級日本超級市場的food court叫照燒雞扒飯食，當時都只係$20幾蚊左右，好味到令人念念不忘～ 今次我就嘗試做返細個時食嘅風味，特別用上日本珍珠米及日本雞扒做這個菜，出來的效果很好，而且非常易整，放工返屋企煮20分鐘就可以食得了。

上一個食譜介紹了自家製番茄醬，今次就教大家用呢個番茄醬做一個健康又好味嘅闊條麵！秉承自家製的精神，所以今次的闊條麵也是自己親手搓製的！今次我會教大家點樣煎到又香又嫩嘅雞胸，keep fit減肥成日食雞胸嘅朋友唔好錯過呀！睇下今次的製成品，係咪睇到都流晒口水呢～

有時練習做酸種麵包做多了吃不完，放久了會變得乾硬，加點水再烤焗也不會好吃。這些麵包不應該扔韌掉，我們還可以用它們製作另一道可口的小吃：法式吐司。乾掉的麵包浸泡過牛奶、蛋液後，重拾水份，但酸種包煙煙韌韌的口感還可保存下來，所以用酸種包比一般方包做法式吐司風味會更佳。

說到法國美食，當然不能不提可麗餅了。在香港吃個可麗餅，閒閒哋都要百多元才行，但其實自己在家做一點也不困難的。只要簡單的材料，少少功夫，大家都可以做到。再配以個人喜好，加入不同的餡料，配搭千變萬化，鹹甜佳宜！

最近在試用日本品牌Vermicular琺瑯鑄鐵平底鍋，有隻咁靚嘅平底鍋，當然要配返咁上吓嘅食材啦，所以用嚟試煎帶子就最適合不過了。煎帶子首先要平底鍋燒得夠熱，試用其間，Vermicular的平底鍋加熱真的很快，熱力也足夠將帶子煎得金黃香脆，而且沒有黏底，效果非常滿意！

雞胸是keep fit的首選食材，其實只要簡單的烹飪技巧，加上健康的配料，平凡的雞胸都可以很不一樣！今次同時試用了日本品牌Vermicular琺瑯鑄鐵平底鍋去煎雞胸，熱力傳遞快，比一般鑄鐵平底鍋更輕，煎出來的雞胸非常皮脆肉嫩，效果非常滿意！

這是我很喜歡的菜式，簡單的兩塊豬扒、一個橙、幾粒珍珠洋蔥，搖身一變成為高級餐廳的菜式。酸甜的橙醬汁，令人非常開胃。每次做這道菜，我都會拿出這一隻藍色碟做擺盤。因為藍色跟橙色是對比色，所以一當橙醬汁、橙皮碎放在碟上，就會形成強烈的對比，未吃都已經流口水了🤤

聖誕節就嚟到，嚟緊會開始俾大家一些聖誕餐的提議，記得留意！話說今日想煮埋冰格舊鴨胸，行開超市時，見到隻神石榴賣$29蚊，唔算貴，自己又未煮過，於是就試吓將呢兩樣食材夾埋來用，效果出奇地好，顏色又靚👍🏻用剩嘅神石榴汁及籽仲可以整多兩味，名副其實嘅神石榴三味！

放假對自己好一點，於是買兩隻龍蝦返去嘆下😊之前吃龍蝦都是蒸、上湯、或焗的做法，煎卻是較少的做法。今次就一於試試煎的，較果也非常不錯👍🏻

放工回家煮飯，想省時間快快有得吃的話，其實日式丼飯是個很好的選擇。今次介紹的醬汁豬腩肉丼飯很易做，甜甜的醬汁也非常開胃，不妨試試！

蘇格蘭的帶子出名鮮甜大隻，在香港嘅街市唔易買到。早前試吃了 @hkgoodfish 的蘇格蘭扇貝王，帶子原粒起肉後便立即入盒，保持鮮度。今次呢盒有8隻帶子，隻隻都大大粒非常靚。今次我就用它配上芒果莎莎醬，酸酸甜甜，做一個非常醒神開胃的前菜。

又話說上星期六去咗間近期很有名氣的餐廳小店，其中的頭盤就是橙肉鴨胸沙律。是好食的，只是鴨胸切得太薄，還只有三片... 所以我參考了一下，又做了自己版本的橙肉鴨胸沙律~

今餐食的澳洲豬梅頭扒非常抵食，兩塊大大塊才$49，仲要唔係急凍嘅貨，就咁煎已經好淋～ 醬汁方面就用食剩嘅食材，再配烤焗過的羽衣甘藍。烤過的甘藍有如紫菜般薄脆，非常惹味煎豬扒沒有甚麼特別技巧了，讓我介紹如何做這個蘑菇黑醋汁吧！

橙汁鴨胸是經典的法國菜，做法不複雜，關鍵是鴨胸的生熟度要控制得好。今次初次嘗試，味道不錯，只是鴨胸熟了點，肉的顏色不夠粉嫩，下次再做應該會好一些

魚柳要煎得好，最緊要係先知道點樣先唔會沾鑊。易潔鑊當然方便，但唔耐用。無論用不鏽鋼pan或鑄鐵pan，其實只要pan燒得夠熱，才下油，絕對是不會沾底的。

近排要健身，要多點吸收一下蛋白質，雞胸肉當然是首選的蛋白質來源。煎雞胸其實係幾好味，超市$40有兩件亦都抵食。只係煎件靚雞胸都要成兩個字先搞掂，於是我就開始研究點樣有效率地準備雞胸肉。咁啱上年聖誕買咗部慢煮機，咁不如試吓慢煮啦。煮好咗再入真空袋，應該可以雪成個星期哦。而且今次慢煮都好成功，雞肉嫩滑，拍得住我煎雞胸的效果

這個是第一次嘗試fushion菜，將平時拿來做羊腩煲的食材，用西餐的方法呈現的菜式，效果跟想像中的很接近，味道很好，驚喜滿分～你數到有多少款食材嗎？由於是創作料理，食譜不得外傳，自己摸索一下吧 :)

這個是一個不錯的午後小吃或前菜，只用簡單的食材已經令人流晒口水，有朋友到訪不彷一試！