小牛胸腺是我第一次接觸的食材，是由開凍肉店的友人推介我嘗試的。小牛胸腺英文叫「Sweatbread」，是3-6個月大的小牛才有的腺體，算是器官之一，當小牛漸漸長大，這個腺體就會慢慢萎縮。由於罕有，所以份外矜貴，是法國菜的頂級食材之一。

相信有留意開生酮飲食嘅朋友都有吃過椰菜花飯，不過準備椰菜花飯嘅時候都幾多功夫，仲好易搞到成地都係椰菜花碎。

這一道富貴雞，是我做過最好吃的中式焗雞。雞腔用了多款菇菌及臘味填滿，再以荷葉及帶有酒香的麵團包裹焗製。以這種方法焗雞，雞的精華得以牢牢鎖住，雞肉嫩滑無比，混合菇菌的鮮味及荷香，美味得難以形容。新年過節時不妨試試做，就是跟家人一起敲碎外殼的時候，已經夠晒開心！

聖誕節又怎可以沒有烤雞吃！今次想介紹大家做這個非常有聖誕氣氛的香橙蔓越莓烤雞。蔓越莓及香橙是常常用在一起的配搭，烤完雞餘下的肉汁，充滿了香橙及蔓越莓的氣味，酸酸甜甜非常開胃，吃多一件都不覺得肥膩。今個聖誕不如試試佢！

這個食譜上年聖誕節都介紹過，今年又整多次試試～ 這個法式做法的精髓就是用蔬菜跟肉一起烤焗，然後將蔬菜的水份及肉汁製作香濃的醬汁，所有精華全程一直濃縮到最後，細嚐一口醬汁，好味到有種莫名其妙的感動😭

最近換咗部新嘅 Electrolux 蒸焗爐，終於有時間試試佢。今次整咗香草焗鵪鶉，鵪鶉細細隻，兩個人食就剛剛好。我不喜歡用很多醃料醃肉，所以只是用了橄欖油、百里香及鹽，就已經很夠味了，最緊要是加配菜在底，烤焗時吸收鵪鶉的肉汁，非常好吃！

冬天常常都想吃點暖笠笠的食譜，日式的炊飯就是很好的選擇了。炊飯做法很簡單，只需要將所需材料加入鑄鐵鍋中，就可以一鍋到底輕鬆完成！今次我選用了近期當造的栗子，再配以各式各樣的日本野菌，製作了這個【栗子野菌炊飯】，希望大家會喜歡啦！

踏入11月，天氣開始變得清涼了，除咗食火鍋之外，我哋最鐘意就係喺屋企整粥底海鮮蒸氣鍋了。自己買海鮮總比出街食便宜得多，而且做法又簡單，食完海鮮仲有美味粥底，十分過癮。有朋友嚟開Party，絕對不會失禮～

家有一部廚師機，真係會令人多咗衝動整多啲嘢食。最近我們都開始售賣意大利Smeg嘅小型家電，即刻自己都手入返一部廚師機試試佢。而隨機付送的第一個食譜就係手製意大利麵，二話不說即刻買材料整！

萬聖節🎃過咗兩日，唔知大家屋企仲有冇南瓜剩低呢？今次想介紹大家整個pasta，同時也會用到【鼠尾草】呢款香草。鼠尾草有很特別的味道，很多時都會配搭南瓜一起吃，上碟時再撒上烤過的南瓜籽或合桃，非常好吃又健康～

一直都很想在家做一次天婦羅，今次真的認真起來學習一下。幸好找到了【MASAの料理ABC】的詳盡教學，一步一步跟著來做也不算很難，以第一次來說感覺都不錯哦！當然日本天婦羅是非常博大精深的學問，在麵糊製作、油溫控制、以及油的選用等等都大有竅門，希望有空會再可以慢慢深究下去！

明太子是醃製過的鱈魚子，它香醇的鹹香，跟很多食物都非常相襯，好似明太子蛋卷、明太子法包、明太子釀雞翼等等。今次就讓我來用明太子做一個忌廉意粉，配以日本的白洋蔥及椎茸，味道非常特別，而且做法簡單，15分鐘包可完成！不如今晚就即刻整啦！

最近工作比較忙，少了點時間煮飯，所以就做一點快吃到的菜式，而咖喱就是很好的選擇。今次我做的是無水咖喱鍋，用的都是來自日本的蔬菜，以鑄鐵鍋無水烹煮後，蔬菜的水份完全濃縮起來，鮮味無比！再配上日式咖喱，由頭到尾一鍋過，簡簡單單就完成了一道美味的菜式啦！

這個食譜有點像我之前介紹的法式田園焗雞，不過今次這個食譜更簡單，所需的時間也更少！如果你家中有個小小的鑄鐵鍋，但又不夠放一隻全雞，就可以試試做呢個菜啦！而這個菜的精髓其實就是無水鍋，水份全都是由食材本身流出來，除了雞肉及蔬菜焗得很腍外，鍋中的湯汁又可以送飯，真係超級好食的！

又到星期一啦，今日想介紹下Green Monday食咩好～ 上星期買咗包素肉碎，屋企又剩咗D自家製番茄醬，咁就不如簡單整個素番茄肉醬意粉啦！

上星期係凍肉鋪買咗件英國威爾斯嚟嘅無骨羊肩肉，不過又唔你好知點煮好，所以就問吓Google大神啦，就咁俾我搵咗呢個🇬🇷希臘式慢烤嘅做法。

炆牛腩是我最喜歡的菜式，一次過炆好一大煲，可以吃上兩、三餐，又是放工快食好選擇。而且炆煮其實是最簡單的烹調方法，就算是中式還是西式，基本上也離不開幾個工序：將肉類汆水、煎香肉類、下湯汁、炆煮同收汁。而濃縮了的湯汁，送飯送麵送Pasta都是一流，希望大家會喜歡這個柱侯蘿蔔炆牛腩吧！

細細個常常係某元老級日本超級市場的food court叫照燒雞扒飯食，當時都只係$20幾蚊左右，好味到令人念念不忘～ 今次我就嘗試做返細個時食嘅風味，特別用上日本珍珠米及日本雞扒做這個菜，出來的效果很好，而且非常易整，放工返屋企煮20分鐘就可以食得了。

上一個食譜介紹了自家製番茄醬，今次就教大家用呢個番茄醬做一個健康又好味嘅闊條麵！秉承自家製的精神，所以今次的闊條麵也是自己親手搓製的！今次我會教大家點樣煎到又香又嫩嘅雞胸，keep fit減肥成日食雞胸嘅朋友唔好錯過呀！睇下今次的製成品，係咪睇到都流晒口水呢～

第一次接觸這道「無骨雞紮」，其實是我幾年前在一間凍肉店看到的。外國人叫它為「Chicken Cushion」，相信是跟咕𠱸的形狀相似有關，貼切極了。由於它的賣相真的很可愛，是那凍肉店當年非常熱賣的產品。最近看回舊照，才認真研究怎麼能夠把雞弄成這個有趣的樣子。