踏入11月，天氣開始變得清涼了，除咗食火鍋之外，我哋最鐘意就係喺屋企整粥底海鮮蒸氣鍋了。自己買海鮮總比出街食便宜得多，而且做法又簡單，食完海鮮仲有美味粥底，十分過癮。有朋友嚟開Party，絕對不會失禮～

花雕醉鮑魚是每次過時過節都會做的菜式，簡單又得體，次次屋企人食都食到舔舔脷，如果送俾親朋戚友就更加開心啦！而同一個方法，還可以用來浸蝦、花螺、鴨舌等等，一定平過出面買多多聲呀！

裡多了一個蒸焗爐，對於鍾意煮野食嘅我真係非常方便！小小一個蒸焗爐，省位之餘，也足以應付我做中餐同西餐。今次我就用了Toshiba 2021年全新型號嘅蒸焗爐 Q20 (MS2-TQ20SC) 整咗呢個色香味俱全嘅籠仔金銀蒜蒸蝦荷葉飯。

清酒煮蜆是非常簡單的菜色，只要清酒、蜆、蒜、乾蔥及牛油就已經非常好味。我常常堅持吃食物本身的味道，因此不建議加雞湯、醬油、甚至是鹽，因為蜆本身已有足夠的鮮味了。

無水海鮮鍋是另一個測試鑄鐵鍋的好食譜，製作無水鍋時，全程不用加水，也不用加油， 更不用擔心黏底。那水究竟從何來？

最近在試用日本品牌Vermicular琺瑯鑄鐵平底鍋，有隻咁靚嘅平底鍋，當然要配返咁上吓嘅食材啦，所以用嚟試煎帶子就最適合不過了。煎帶子首先要平底鍋燒得夠熱，試用其間，Vermicular的平底鍋加熱真的很快，熱力也足夠將帶子煎得金黃香脆，而且沒有黏底，效果非常滿意！

黃色🟡代表熱鬧 、開心，給人熱情與活力的感覺，單單是看到黃色的食物已開始令人流晒口水！鮮豔的黃色🟡不僅能吸引食慾，也會令人不自覺越吃越多。今次我就用意大利黃瓜做了一道Zoodles蔬菜麵，配以醬油帶子及柚子醋汁，非常醒神開胃！如果之前新年時食滯咗，或者係食緊生酮餐單嘅你，不妨試下做呢個菜呀😊

近排天寒地凍，梗係要食返D熱野暖暖身啦！今次特登買咗個蒸籠返嚟，炮製咗呢個籠仔蒸龍躉荷葉飯，淨係睇到個蒸籠都暖咗一半了~ 唔好以為龍躉肉好貴，好似我今次用呢舊龍躉肉，其實$100有找了，平過出街食多多聲！

這個是聖誕節前的食譜，可是我未出的食譜還有太多了，留到今天才有空分享。記得上年生日去了吃蟹宴的時候，其中一道菜就是原隻的毛蟹。廚師很細心的將所有蟹肉拆出來，告訴我們用蟹肉蘸點蟹膏吃，直接享受毛蟹的鮮甜味。如果大家有機會買到毛蟹的話，不妨試試這樣優雅地吃，真的別有一番風味😊

Carpaccio 是指切成薄片、淋上了醬汁的生肉片或魚。今次我選用了北海道的帶子刺身，配以芒果粒，再加上青檸汁做的沙律油，整個菜式做法非常簡單，也很適合大夥人的前菜菜單。為什麼冬天還有芒果賣？不要忘記我們還有南半球的澳洲，現在可是當地盛產芒果的季節哦！據之前公司一位澳洲同事說，R2E2是她覺得最好吃的品種。它肉厚、味道清甜，所以買澳洲芒時我都會特別選R2E2來買。

冬至將到，想煮個好餸俾屋企人食，但係乾鮑咁貴，食唔起又唔識揀，所以唯有食返鮮鮑魚啦。炆嘅話可以選用大隻d嘅南非孔雀鮑魚，肉厚之餘鮑魚味也濃。今天在街市買左6隻鮑魚，約1斤多些，加埋鵝掌同其他材料，大概$300幾蚊可以做到呢個菜啦。用埋刀叉食，即刻高級晒😊

相對於蜆，我更喜歡花甲，事關花甲比較肉厚，肉也更加鮮甜。記得以前買過條「脷」紅色的花甲王，牠簡直是花甲界中的極品，可是很久都找不到牠的蹤影了。做這道清酒煮花甲，完全不用調味，吃的就是花甲本身的鮮味，而且做法非常簡單，天氣冷的時間，將暖的清酒湯一起喝下去，頓時暖入心頭😌

每逢11到12月，就是吃香箱蟹的季節。香箱蟹其實是雌性的松葉蟹，體形跟手掌般大。她的吸引之處是她甘香的蟹籽及蟹膏，吃法多數是把蟹肉、蟹膏和蟹子都放在蟹蓋上，像個小盒子，因而得名。今次是我第一次做香箱蟹，由於蟹身細小，花了不少時間及心機將蟹肉一一取出。同時我也將蟹醋做成啫喱，用來中和蟹膏肥膩的感覺之餘，也令整個作品閃閃生輝，垂涎欲滴😋

這個是我媽媽最拿手的菜色，出街食一定唔會搵到餐廳會咁樣整薑蔥蟹。因為時間關係，餐廳通常都會將蟹沾粉走油，然後打個芡，最後成碟炒蟹濕𣲷𣲷上碟，一來炒唔到蟹香味，二來食到成手污糟晒，成件事都好唔掂😞

以前到紐西蘭旅行，每次到超級市場都會買下新鮮的青口回民宿煮。他們的青口又大又新鮮，喜歡那一隻就自己夾，每次都夾到一大袋才捨得走。其實紐西蘭青口在香港街市也很常見，新鮮的，大概$40就有一斤，非常經濟。用白酒煮青口也是最簡單不過的方法，十多分鐘就可以搞掂，留下來的汁用來跟香脆法包一起吃，滋味無比😋

放假對自己好一點，於是買兩隻龍蝦返去嘆下😊之前吃龍蝦都是蒸、上湯、或焗的做法，煎卻是較少的做法。今次就一於試試煎的，較果也非常不錯👍🏻

這個蟹肉醬非常易做，用一盒蟹肉的份量，已經夠我吃一星期了。如果有朋友到訪，配上法包，一壺茶，會是一個非常不錯的茶點😊

上星期有朋友到訪，特別用上了三隻波士頓龍蝦，做了這個非常浮誇的西班牙海鮮飯，浮誇到完全唔係我平時走開嘅風格 🤔 不過好食就得了 😄

蘇格蘭的帶子出名鮮甜大隻，在香港嘅街市唔易買到。早前試吃了 @hkgoodfish 的蘇格蘭扇貝王，帶子原粒起肉後便立即入盒，保持鮮度。今次呢盒有8隻帶子，隻隻都大大粒非常靚。今次我就用它配上芒果莎莎醬，酸酸甜甜，做一個非常醒神開胃的前菜。

魚柳要煎得好，最緊要係先知道點樣先唔會沾鑊。易潔鑊當然方便，但唔耐用。無論用不鏽鋼pan或鑄鐵pan，其實只要pan燒得夠熱，才下油，絕對是不會沾底的。